ირანი უარყოფს დონალდ ტრამპის განცხადებას იმის შესახებ, რომ აშშ ირანთან მოლაპარაკებას აწარმოებს. ირანის სახელმწიფო მედია აღნიშნავს, რომ ვაშინგტონსა და თეირანს შორის არც პირდაპირი და არც ირიბი მოლაპარაკებები არ გამართულა. ინფორმაციას NBC news ავრცელებს.

"არავითარი მოლაპარაკება არ შემდგარა და არც ახლა მიმდინარეობს. მსგავსი ფსიქოლოგიური ომით ვერც ჰორმუზის სრუტე დაუბრუნდება ომამდელ მდგომარეობას და ვერც ენერგო ბაზრებზე დამყარდება მშვიდობა", — განცხადა ირანელმაუსაფრთხოების სამსახურის მაღალჩინოსანმა, რომლის ვინაობაც არ სახელდება.

შეგახსენებთ, ცოტა ხნის წინ, ამერიკის შეერთებულმა შტატემა ირანისთვის მიცემული 48 საათი ხუთ დღემდე გაზარდა. ამის შესახებ აშშ-ის პრეზიდენტი დონალდ ტრამპი სოციალურ ქსელში წერს და ღნიშნავს, რომ ირანის ელექტროსადგურებზე თავდასხმა გადავადებულია. მისი განმარტებით, ამერიკის შეერთებულ შტატებსა და ირანის სახელმწიფოს შორის, ბოლო ორი დღის განმავლობაში, ახლო აღმოსავლეთში საომარი მოქმედებების სრული და საბოლოო მოგვარების შესახებ პროდუქტიული საუბრები შედგა.

მანამდე, აშშ-ის პრეზიდენტმა, დონალდ ტრამპმა სოციალურ ქსელში დაწერა, რომ ირანს ჰორმუზის სრუტის სრულად გასახსნელად 48 საათს აძლევს. წინააღმდეგ შემთხვევაში მან ირანის სხვადასხვა ელექტორადგურზე დარტყმით დაიმუქრა.