გასული კვირა პოპკულტურისთვის საკმაოდ მრავალფეროვანი და ნაყოფიერი აღმოჩნდა. თუმცა, ოსკარის რიგით 98-ე დაჯილდოებამ თითქოს ყველა სხვა ახალი ამბავი დაჩრდილა.

ამ სტატიაში შევაკოწიწეთ გასული კვირის 10 მნიშვნელოვანი ამბავი, რომელიც პოპკულტურაში მოხდა და შესაძლოა გამოგრჩათ.

1. ოსკარი 2026-ის გამარჯვებულები დასახელდნენ

გასულ ორშაბათს კინოსამყაროს ყველაზე მნიშვნელოვანი მოვლენა შედგა და ოსკარი 2026-ის გამარჯვებულები დასახელდნენ.

მთავარ კატეგორიაში წლის საუკეთესო ფილმი One Battle After Another გახდა, რომელმაც 13 ნომინაციიდან 6-ში გაიმარჯვა. საუკეთესო მსახიობი კაცის ნომინაციაში გაიმარჯვა მაიკლ ბ. ჯორდანმა, ფილმისთვის Sinners. მთავარი როლის შემსრულებელი საუკეთესო მსახიობი ქალი გახდა ჯესი ბაკლი, ფილმისთვის Hamnet.

მეორეხარისხოვან როლში საუკეთესო მსახიობი კაცის ნომინაციაში შონ პენმა გაიმარჯვა, ხოლო საუკეთესო მსახიობი ქალი ემი მადიგანი გახდა, ფილმისთვის Weapons.

ვრცლად შეგიძლია წაიკითხო აქ.

2. Spider-Man: Brand New Day-ს ტრეილერი გამოუშვა

17 მარტს ადამიანი ობობას როლის შემსრულებელმა, ტომ ჰოლანდმა, სოციალურ ქსელებში ფილმის პირველი კადრების გავრცელება დაიწყო და ამ პროცესში ფანებიც ჩართო. მალევე, Sony-მ Spider-Man: Brand New Day-ს ტრეილერი გამოაქვეყნა.

აღსანიშნავია, რომ ტრეილერმა 24 საათში 718.6 მილიონი დააგროვა და ისტორიაში ყველაზე ნახვადი ტრეილერი გახდა. მანამდე ყველაზე ნახვადი ტრეილერის ტიტულს ფლობდა ფილმი Deadpool and Wolverine, რომელმაც 24 საათში 365 მილიონი ნახვა დააგროვა.

ვრცლად შეგიძლია წაიკითხო აქ.

3. ინტერნეტი ტიმოთი შალამეზე ხორხოცებდა

ბოლო რამდენიმე კვირაა, ტიმოთი შალამე კრიტიკის ქარცეცხლშია, მიზეზი კი მთელი მსოფლიოს წინაშე იმის აღიარებაა, რომ "ოპერა და ბალეტი კაციშვილს არ აინტერესებს".

ტიმოთის ამ მოსაზრებამ საზოგადოების ნაწილში წყენა და გაბრაზება გამოიწვია, მსახიობის სიტყვების კრიტიკას მალევე მისი დაცინვაც მოჰყვა.

თუ გსურთ, ტიმოთი შალამე ბალერინას ამპლუაში იხილოთ, ეწვიეთ ამ ბმულს.

4. ლაბუბუზე ფილმს იღებენ

გასულ ხუთშაბათს გავრცელდა ინფორმაცია, რომ ლაბუბუს თოჯინები მალე სრულმეტრაჟიან ფილმში გამოჩნდებიან.

კომპანიების განცხადებით, ფილმი ჯერ კიდევ შექმნის საწყის ეტაპზეა.

ვრცლად შეგიძლია წაიკითხო აქ.

5. ინტერნეტსივრცეში $1790-იანი ნაგვის პარკი გამოჩნდა

მგონი, დროა ნაგვის პარკებს მოუფრთხილდე, რადგან ინტერნეტითვის ეს ახალი ტრენდია.

არ მოგესმა, გასულ კვირას პეკინის საერთაშორისო კინოფესტივალის წითელ ხალიჩაზე მსახიობი ჯანგ ძინგი უჩვეულო აქსესუარით გამოჩნდა.

ვრცლად შეგიძლია წაიკითხო აქ.

6. Reuters-ის ჟურნალისტურმა გამოძიებამ ბენქსის ვინაობა დაადგინა

და, ვინ არის ბენქსი — რობინ განინგემი თუ დევიდ ჯონსი? Reuters-ის ჟურნალისტურმა გამოძიებამ მხატვრის ვინაობა დაადგინა.

ვრცლად შეგიძლია წაიკითხო აქ.

7. Dune 3-ის პირველი კადრები გავრცელდა

ამასობაში, ფრენკ ჰერბერტის საკულტო საი-ფაის ეკრანიზაცია გრძელდება. Warner Bros.-მა დიუნი 3-ის პირველი ტრეილერი გაავრცელა.

დენის ვილნევის ფილმის ტრეილერის მიხედვით ვიგებთ, რომ წინ პოლ ატრეიდასის აჯანყებებს, კოსმოსური ხომალდების აფეთქებებსა და ახალ ბოროტმოქმედთან ერთად საუცხოო ბრძოლებს ვიხილავთ.

ვრცლად შეგიძლია წაიკითხო აქ.

8. ჰარი სტაილსმა პიცები გაუგზავნა ფანებს, რომლებიც მომღერლის შოუს ბილეთების რიგში ათენებდნენ

გასულ კვირას გრემის მფლობელი მუსიკოსი SNL-ის ჩაწერამდე გულშემატკივრებს პიცითა და ცხელი წვნიანით გაუმასპინძლდა.

ფანების თქმით, 32 წლის მუსიკოსმა მათ NBC-ის სატელევიზიო შოუს ჩაწერამდე საჭმელი გაუგზავნა. როგორც მათ აღნიშნეს, სტაილსგან ეს ჟესტი მოულოდნელი იყო.

ვრცლად შეგიძლია წაიკითხო აქ.

9. ზენდეიას თქმით, AI-ის მიერ გენერირებულმა ფოტოებმა "ბევრი ადამიანი გააცურა"

ზოგჯერ რთულია, AI-ის შექმნილი ფოტო თუ ვიდეო რეალურისგან განასხვაო. როგორც აღმოჩნდა ხელოვნური ინტელექტის მიერ გენერირებულმა ფოტოებმა ბევრ ჩვენგანთან ერთად, ზენდეიას არაერთი ახლობელიც შეიყვანა შეცდომაში.

ზენდეიამ ჯიმი კიმელთან საუბრისას აღნიშნა, რომ ფოტოებმა "ძალიან ბევრი ადამიანი გააცურა".

ვრცლად შეგიძლია წაიკითხო აქ.

10. BTS-ის ახალი დოკუმენტური ფილმის ტრეილერი გამოვიდა

დაბოლოს, BTS-ის გულშემატკივრებისათვის გასული კვირა ნამდვილად ფანტასტიკური იყო, რადგან ოთხწლიანი ლოდინის შემდეგ, სამხრეთკორეული ჯგუფი ახალი მუსიკით, მსოფლიო ტურნეთი და დოკუმენტური ფილმის ტრეილერით დაბრუნდა.

BTS-ის ახალი დოკუმენტური ფილმის ნახვას 27 მარტს, Netflix-ზე შეძლებთ.

ვრცლად შეგიძლია წაიკითხო აქ.