23–29 მარტს პარტია თავისუფლების მოედნის გუნდი კამპანიას იწყებს, რომლის ფარგლებშიც იმერეთის სხვადასხვა მუნიციპალიტეტში მოქალაქეებს შეხვდებიან, ადგილობრივ პრობლემებს ადგილზე გაეცნობიან და მონაწილეობას მიიღებენ კულტურულ და საზოგადოებრივ აქტივობებში.

კამპანია კვირის ბოლოს, 29 მარტს, სამოქალაქო ფორუმით "საქართველოს გულისთვის
ქუთაისი" დასრულდება, სადაც მოქალაქეები ერთად იმსჯელებენ ქვეყნის მომავალსა და განვითარების ხედვებზე.

კამპანიის ფარგლებში გუნდი მოინახულებს მეწყერსაშიშ და დაზიანებულ სოფლებს, სხვა
პრობლემურ ლოკაციებს, შეხვდება ადგილობრივ მოსახლეობას, დევნილებს,
მხარდამჭერებსა და ჭიათურელ მაღაროელებს. თავისუფლების მოედნის გუნდი ყოველდღიურად მიიღებს მონაწილეობას ქუთაისში მიმდინარე საპროტესტო აქციებშიც და აქციის ფარგლებშივე პარტიის ტრადიციული ფორმატი "ანგარიში ხალხს", სამშაბათს, 20:00 საათზე გაიმართება.

თავისუფლების მოედანი, კამპანიის ფარგლებში, ეწვევა ქუთაისს, ტყიბულს, კურსებს და სხვა მეწყერსაშიშ სოფლებს — წყალტუბს, სამტრედიას, ხარაგაულს, ხონს, ქუტირს, ბაღდათს, საირმეს და ჭიათურას.

როგორც პარტია იუწყება, კამპანიის პერიოდში, ნებისმიერი მსურველისთვის ღია იქნება თავისუფლების მოედნის ქუთაისის ოფისი.