16 ივლისს ლათინური პოპმომღერალი რიკი მარტინი რუსთავის საერთაშორისო ავტოდრომზე კონცერტს გამართავს. ბილეთების შეძენა უკვე შესაძლებელია და მათი ღირებულება 200-დან 1 500 ლარამდეა.

ეს რიკი მარტინის პირველი ვიზიტია საქართველოში. შოუ არტისტის საერთაშორისო ტურნეს ნაწილია.

რიკი მარტინმა აღიარება ისეთი სიმღერებით მოიპოვა, როგორიცაა: Livin’ la Vida Loca; Maria; She Bangs; Nobody Wants to Be Lonely. არტისტის წარმატების 9 წლის ასაკში დაიწყო, ის უკვე რეკლამებში მონაწილეობდა, 12 წლისა კი ჯგუფ Menudo-ს შეუერთდა. 1991 წლიდან, სოლო კარიერის დაწყების შემდეგ, მან 95 მილიონზე მეტი ჩანაწერი გაყიდა, მოიპოვა მრავალი სტატუსი, ორი "გრემი" და ხუთი "ლათინური გრემი".

ცოტა ხნის წინ ის Super Bowl-ის შოუზე Bad Bunny-სა და Lady Gaga-სთან ერთად წარსდგა.