თბილისში, ვაჟა-ფშაველას გამზირზე, კაფე სტრადასთან სროლა მოხდა. დაჭრილია ერთი ადამიანი. On.ge-ს შინაგან საქმეთა სამინისტროში განუცხადეს, რომ გამოძიება სისხლის სამართლის კოდექსის 236 მუხლით დაიწყო, რაც იარაღის მართლსაწინააღმდეგო გამოყენებას გულისხმობს.

ადგილზე მობილიზებულია საგამოძიებო სამსახური. პერიმეტრი მთლიანად შემოსაზღვრულია. მიმდინარეობს საგამოძიებო მოქმედებები.

სასწრაფო სამედიცინო დახმარების სამსახურში განგვიცხადეს, რომ მათთან დაჭრის შესახებ ინფორმაცია არ შესულა და შესაძლოა, დაშავებული თავად წავიდა სამედიცინო დაწესებულებაში.