მსახიობი ემი შუმერი ვაშინგტონში, სენატის შენობასთან საპროტესტო აქციის დროს დააკავეს.

შუმერი და იქ შეკრებილი ათასობით ადამიანი ამერიკის უზენაესი სასამართლოს მოსამართლედ ბრეტ კავანას შესაძლო დანიშვნას აპროტესტებდა.

კავანა დონალდ ტრამპმა უზენაესი სასამართლოს მოსამართლის პოსტზე წარადგინა, თუმცა პრეზიდენტის ამ გადაწყვეტილებას ამერიკის მოქალაქეთა ნაწილი ეწინააღმდეგება.

ბრეტ კავანას სექსუალურ შევიწროებასა და ძალადობაში რამდენიმე ქალი ადანაშაულებს. მათ შორის არის ქრისტინ ბლეისი ფორდი, რომელიც ამბობს, რომ ბრეტ კავანამ მასზე 1982 წელს, ჯერ კიდევ სკოლაში სწავლის პერიოდში, ერთ-ერთ წვეულებაზე იძალადა.

მოსამართლეობის კანდიდატი ყველა ბრალდებას უარყოფს.