მისისიპელ ჟაელაინ იანგს ე.წ. ისლამური სახელმწიფოში გაწევრიანების მცდელობის გამო სასამართლომ 12 წლით თავისუფლების აღკვეთა მიუსაჯა.

Fox News-ის ინფორმაციით, იანგი საქმროსთან ერთად ტერორისტულ დაჯგუფებაში გაერთიანებას გეგმავდა. ისინი 2015 წელს აეროპორტში დააკავეს, როდესაც თურქეთში, "თაფლობის თვის გასატარებლად", მიემგზავრებოდნენ. წყვილი თურქეთიდან სირიაში გადასვლას აპირებდა.

დაკავებულის საქმროს ანალოგიური ბრალი უკვე წარედგინა და სასამართლო მის განაჩენს 24 აგვისტოს გამოაქვეყნებს.

სასამართლო პროცესზე იანგმა აღნიშნა, რომ თავის განზრახვას ნანობდა და რცხვენოდა საკუთარი საქციელის გამო.

ოფიციალური პირების თქმით, წყვილმა FBI-ის ყურადღებას მას შემდეგ მიიპყრო, რაც მათ ინტერნეტში საჯაროდ დაიწყეს ISIS-ის მიმართ სიმპათიის გამოხატვა.

იანგი ისლამით კოლეჯში სწავლის დროს დაინტერესდა. მან უარი თქვა საკუთარ მეგობრებსა და ოჯახზეც, რადგან, მისი თქმით, ფიქრობდა, რომ "არა-მუსლიმ ადამიანებთან ურთიერთობა მასზე უარყოფითად იმოქმედებდა".