ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების ბრალდებით, ერთი პირი დააკავეს. ამის შესახებ ინფორმაციას შინაგან საქმეთა სამინისტრო ავრცელებს.

მათი ცნობით, სამართალდამცავებმა ის ავტომანქანით გადაადგილებისას დააკავეს. შსს-ში ამბობენ, რომ ავტომობილის ჩხრეკისას დამალული "აკ-74"-ის მოდელის ავტომატური ცეცხლსასროლი იარაღი, 1 მჭიდი, 42 საბრძოლო ვაზნა და "ეკოლის" მოდელის ხმოვანი პისტოლეტი ნივთმტკიცებად ამოიღეს.

შსს-ში ამბობენ, რომ ბრალდებული აღიარებს ჩადენილ დანაშაულს. საქმეზე გამოძიება საქართველოს სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს. ეს მუხლი 4-დან 7 წლამდე ვადით თავისუფლების აღკვეთას ითვალისწინებს.