შიანგან საქმეთა სამინისტროს განცხადებით, სასაზღვრო პოლიციამ საქართველო-აზერბაიჯანის სახელმწიფო საზღვართან ახლოს განსაკუთრებით დიდი ოდენობით ჰეროინი ამოიღო. უწყებაში ამბობენ, რომ წარსულში მრავალჯერ ნასამართლევი და ამჟამად პირობითი მსჯავრის ქვეშ მყოფი საქართველოს მოქალაქე დააკავეს.

უწყების განცხადებით, სამართალდამცველებმა დაკავებულის პირადი ჩხრეკისას ამოიღეს: 3 კილო და 500 გრამი ნარკოტიკული საშუალება, რომელიც 1 კილო და 119 გრამ ჰეროინს შეიცავს, ასევე, 1,1935 გრამი მეტამფეტამინი.

დაკავებულს ბრალად ედება საქართველოს სახელმწიფო საზღვრის უკანონო გადაკვეთა და განსაკუთრებით დიდი ოდენობით ნარკოტიკული საშუალების საქართველოში უკანონოდ შემოტანა. დანაშაული 15-დან 20 წლამდე ან უვადო თავისუფლების აღკვეთას ითვალისწინებს.