თბილისში, ჯიქიას ქუჩაზე 40 წლამდე ასაკის კაცი მოკლეს. ინფორმაციას On.ge-ს შინაგან საქმეთა სამინისტროს პრესსამსახური უდასტურებს.

უწყების ცნობით, კაცის ცხედარი დღეს დილას, გამთენიისას იპოვეს. მათივე ინფორმაციით, შესაბამისი ექსპერტიზები უკვე დანიშნულია და ზუსტი გარდაცვალების მიზეზი დადგინდება. საქმეზე გამოძიება საქართველოს სისხლის სამართლის კოდექსის 108-ე მუხლითაა დაწყებული. აღნიშნული მუხლით განზრახ მკვლელობა ისჯება თავისუფლების აღკვეთით ვადით შვიდიდან თხუთმეტ წლამდე.