Ekhokavkaza-ს ცნობით, ერევანში 31 ივლისს ჩატარებული სპეცოპერაციის შემდეგ, 47 ადამიანია დაკავებული. ამის შესახებ ინფორმაციას ადგილობრივი ეროვნული უშიშროების სამსახური ავრცელებს.

საგამოძიებო მოქმედებები სისხლის სამართლის კოდექსის შემდეგი მუხლებით მიმდინარეობს: მძევლების აყვანა, შენობის ან სატრანსორტო საშუალების უკანონოდ დაკავება, იარაღის უკანონო შეძენა-შენახვა-ტარება.

31 ივლისს პოლიციის მიერ ერევანში, ერებუნის გარეუბანში ჩატარებული სპეცოპერაციის შედეგად, შეიარაღებული დაჯგუფება პოლიციას ჩაბარდა. ამბოხებულებმა განმარტეს, რომ მათი მისია შესრულებულია, რადგან ქვეყანაში აჯანყების ტალღა უკვე დაწყებულია.

გამოცემის ცნობით, ერევნის ქუჩებში მომიტინგეები კი აცხადებდნენ, რომ მიუხედავად ამბოხებულების დანებებისა, ისინი აქციების შეწყვეტას არ აპირებენ. მიტინგის წამყვანმა, ტიგრან ხზმალიანმა განმარტა, რომ აქცია დღეს, საღამოს 7 საათზე ისევ განახლდება.

17 ივლისს ოპოზიციური მოძრაობის - დამფუძნებელთა პარლამენტის მეთაურის, ჟირაირა სეფილიანის გათავისუფლების მოთხოვნით შეიარაღებული დაჯგუფება პოლიციის შენობაში შეიჭრა და მძევლები აიყვანა. ისინი ასევე მოითხოვენ სომხეთის პრეზიდენტის, სერჟ სარგისიანის გადადგომასა და ხელისუფლების ცვლილებას. ამ დროის განმავლობაში მათ ასევე მძევლებიც ჰყავდათ აყვანილი. მომხდარს მოჰყვა მსხვერპლიც, ასევე დაშვდა რამდენიმე პირი.

სომხეთში მიმდინარე მოვლენების შესახებ დეტალურ ინფორმაციას შეგიძლიათ გაეცნოთ აქ: