ერევანში პოლიციის შენობის მიმდებარე ტერიტორიიდან, იქიდან, სადაც შეიარაღებული თავდამსხმელები 17 ივლისიდან არიან გამაგრებულები, აფეთქებებისა და სროლის ხმა ისმის. ადგილობრივი მოსახლეობის მიერ გავრცელებულ ვიდეოში ჩანს, რომ ბოლი სწორედ პოლიციის მიმდებარე ტერიტორიიდან ამოდის. ინფორმაციას Ekhokavkaza ავრცელებს.

როგორც გამოცემა Interfax-ზე დაყრდნობით იუწყება, სამართლდამცავები იმისთვის, რომ ამბოხებულებს შენობა დაატოვებინონ, სპეცოპერაციას ატარებენ.

დღეს დილას თავდამსხმელთაგან ერთ-ერთმა კი განაცხადა, რომ მათი მისია - სათავე დაედოთ აჯანყებისთვის, შესრულებულია. ისინი ამბობენ, რომ ეს აჯანყება და ამ გზით მიღწეული წარმატება ძალიან მცირე დროის საკითხია.

ისინი განმარტავენ, რომ არ სურთ სისხლისღვრა და ამიტომ სთხოვენ პრეზიდენტს, სერჟ სარგისიანს, უზრუნველყოს მათი გუნდის წევრების ჟირაირა სეფილიანთან შეხვედრა. წინაღმდეგ შემთხვევაში, ისინი ამბობენ, რომ შესაძლო სისხლისღვრაზე მთლიანი პასუხისმგებლობა სწორედ სეფილიანს დაეკისრება.

გარდა ამისა, დღესვე შეიარაღებულ თავდამსხმელთაგან 2 სამართალდამცავებს ჩაბარდა, ამბოხებულებმა ასევე გაათავისუფლეს ბოლო 2 მძევალიც.

30 ივლისს ასევე გავრცელდა ინფორმაცია, რომ სნაიპერმა ერთ-ერთი პოლიციელი მოკლა, რომელიც პოლიციის შენობიდან 400-500 მეტრში იმყოფებოდა. თუმცა, მიუხედავად პოლიციის უფროსის მიერ მომხდარში ამბოხებულების დადანაშაულებისა, მათ ბრალდება უარყვეს და განაცხადეს, რომ პოლიციელი მათ მიერ გასრლოლი ტყვიას არ ემსხვერპლა.

17 ივლისს ოპოზიციური მოძრაობის - დამფუძნებელთა პარლამენტის მეთაურის, ჟირაირა სეფილიანის გათავისუფლების მოთხოვნით შეიარაღებული დაჯგუფება პოლიციის შენობაში შეიჭრა და მძევლები აიყვანა. ისინი ასევე მოითხოვენ სომხეთის პრეზიდენტის, სერჟ სარგისიანის გადადგომასა და ხელისუფლების ცვლილებას.

სომხეთში მიმდინარე მოვლენების შესახებ დეტალურ ინფორმაციას შეგიძლიათ გაეცნოთ აქ: