მარნეულის მუნიციპალიტეტში, სოფელ ტალავერთან შსს-მ 18 სული მსხვილფეხა რქოსანი პირუტყვის მოპარვის ბრალდებით ერთი პირი დააკავა.

უწყების ცნობით, ბრალდებულმა სოფელ ხოხმელის მკვიდრის პირუტყვი სადგომიდან მოიპარა, ადგილიდან მიიმალა და მაშინ დააკავეს, როცა მოპარული პირუტყვი გადაჰყავდა. შსს-ს ინფორმაციით, მოპარული პირუტყვი პატრონს დაუბრუნეს.

საქმეზე გამოძიება საქართველოს სისხლის სამართლის კოდექსის 177-ე მუხლის მეორე ნაწილის "ა" და "ბ" ქვეპუნქტებითაა დაწყებული. მოცემული კანონის მიხედვით, სადგომში ან საცავში უკანონო შეღწევით ჩადენილი ქურდობა, რამაც მნიშვნელოვანი ზიანი გამოიწვია. შსს-ს ცნობით, მის მიერ ჩადენილი დანაშაული 4-დან 7 წლამდე ვადით თავისუფლების აღკვეთას ითვალისწინებს.