მაიკლ ნევილის საკულტო რომანტიკული კომედია, ოთხი ქორწილი და ერთი დაკრძალვა, შესაძლოა, 25 წლის შემდეგ ეკრანს მეორე ნაწილით დაუბრუნდეს.

ინფორმაცია თავდაპირველად მსახიობმა ანა ჩენსელორმა გაახმაურა, რომელმაც ერთ-ერთ ინტერვიუში დაადასტურა, რომ ამ კინოსურათის სიქუელთან დაკავშირებით მოლაპარაკებები მიმდინარეობს.

მისივე თქმით, ფილმის მეორე ნაწილის გადაღებით ძალიან არიან დაინტერესებულები მთავარი როლის შემსრულებლები ენდი მაკდაუელი და ჰიუ გრანტი.

წინასწარი ინფორმაციით, სცენარს კვლავ რიჩარდ კერტისი დაწერს.

ფილმი ეკრანებზე 1994 წელს გამოვიდა და მალევე გახდა ერთ-ერთი საყავრელი კინოსურათი რომ-კომების მოყვარულთათვის, საბოლოოდ ის ფინანსურადაც მომგებიანი აღმოჩნდა და $245 მილიონზე მეტი დააგროვა.

ფილმი ნომინირებული იყო ორ ოსკარზე, მათ შორის საუკეთესო ფილმის კატეგორიაში. ჰიუ გრანტმა კი კინოსურათში შესრულებული როლისთვის ოქროს გლობუსი მიიღო.