შინაგან საქმეთა სამინისტროს განცხადებით, განზრახ მკვლელობისა და დანაშაულის შეუტყობინებლობის ბრალდებით, 2 პირი თბილისში დააკავეს.

გამოძიების ვერსიით, 15 ივნისს, გლდანის დასახლებაში, 1983 წელს დაბადებულმა, წარსულში ნასამართლევმა პირმა ცივი იარაღით სასიკვდილო ჭრილობა მიაყენა 1986 წელს დაბადებულ პირს და შემთხვევის ადგილიდან მიიმალა.

დანაშაული 7-დან 15 წლამდე ვადით თავისუფლების აღკვეთას ითვალისწინებს.

შსს-ს ინფორმაციით, დანაშაულის შესახებ ცნობილი გახდა კიდევ ერთი პირისთვის, რომელმაც გამოძიებისთვის მნიშვნელოვანი ინფორმაცია სამართალდამცავებს არ შეატყობინა. დანაშაული 2-დან 4 წლამდე ვადით თავისუფლების აღკვეთას ითვალისწინებს.

გუშინ, 15 ივნისს გლდანში 32 წლის კაცი მოკლეს. გამოძიება განზრახ მკვლელობისა და დანაშაულის შეუტყობინებლობის ფაქტებზე, საქართველოს სსკ-ის 108-ე და 376-ე მუხლებით მიმდინარეობს.