ქართული ოცნების დეპუტატმა ზაქარია ქუცნაშვილმა დღეს, პარტიის სხდომაზე შესვლამდე ჟურნალისტებს განუცხადა, რომ [სამთავრობო] ცვლილებები აუცილებელია:

"მე ვფიქრობ აუცილებელია მთელი რიგი მიმართულებით, თვისობრივი ხასიათის ცვლილებები".

ზაქარია ქუცნაშვილის განმარტებით, მალე გავრცელდება ოფიციალური განცხადება, სადაც ყველაფერი იქნება ახსნილი.

პარტია ქართული ოცნების ოფისში საპარლამენტო უმრავლესობის სხდომა ჩაინიშნა. მედიაში გავრცელებული ინფორმაციით, უმრავლესობის სხდომა სამთავრობო ცვლილებებს უკავშირდება.

სხდომის დაწყებამდე დეპუტატმა ნუკრი ქანთარიამ აღნიშნა, რომ მიმდინარე პროცესებმა ბევრი პრობლემა აჩვენა, რომელიც საჭიროებს გადაწყვეტას. მისივე თქმით, მთავრობაში პოლიტიკური კრიზისი არ არის.