"ეს სამართლიანი პროტესტია", - ასე უპასუხა სპორტის კომიტეტის თავმჯდომარის მოადგილემ, შოთა ხაბარელმა თანაპარტიელისა და კომიტეტის თავმჯდომარის, მიხეილ ყაველაშვილის გამოსვლას ძიუდოს ფედერაციაში არსებულ პრობლემებთან დაკავშირებით. ხაბარელის თქმით, ტყუილია, რომ ძიუდოს ფედერაციაში დარღვევები არაა. ამის შესახებ დეპუტატმა პარლამენტის სხდომაზე განაცხადა.

"დღეს ამ დარბაზში ჩვენ მოვისმინეთ, რომ თურმე არაფერი დარღვევა არ ყოფილა. ეს ხომ სიცრუეა, ხალხო? ამ სიცრუეს როდის უნდა ეშველოს? გუშინ გამოვიდა მინისტრი და თქვა, რომ იყო შეცდომა, მანიპულაცია ფინანსური და იყო შეცდომა გადაყენება მწვრთნელების", - განაცხადა ხაბარელმა.

დღევანდელ სხდომაზე ძიუდოისტების საკითხზე ისაუბრა მიხეილ ყაველაშვილმა. მისი თქმით, კომისიამ ვერ ნახა დარღვევა, რის გამოც ფედერაციის პრეზიდენტმა დავით ქევხიშვილმა, თანამდებობა უნდა დატოვოს.

ძიუდოისტების რამდენიმე წევრი და გუნდის კაპიტანი ვარლამ ლიპარტელიანი, ქევხიშვილის გადადგომას ითხოვს. ისინი ფედერაციაში არსებულ უსიამოვნო სიტუაციაზე საუბრობენ. თავად ქევხიშვილი კი ფიქრობს, რომ მისი გადადგომა არასამართლიანია.

ამავე თემაზე: