აფხაზეთის დე-ფაქტო რესპუბლიკის საგარეო საქმეთა მინისტრი, დაურ კოვე სირიის მიერ აფხაზეთის დამოუკიდებელ რესპუბლიკად აღიარებას ეხმაურება:

"სირიამ დღეს აღიარა აფხაზეთი დამოუკიდებელ სუვერენულ სახელმწიფოდ. ვულოცავ ყველა ჩვენგანს! გამარჯვებისა და დამოუკიდებლობის დღის 25 წლისთავისადმი ამაზე უფრო ლამაზი საჩუქარი არ არსებობს!"

სირიას დამოუკიდებელ სახელმწიფოებად აღიარებისთვის მადლობა გადაუხადეს, სამხრეთ ოსეთის და აფხაზეთის დე-ფაქტო რესპუბლიკების პრეზიდენტებმაც.

საქართველოს საგარეო საქმეთა სამინისტრომ განაცხადა, რომ სირიასთან დიპლომატიურ ურთერთობას წყვეტს. უწყების თქმით, აღნიშნული ქმედებით ასადის რეჟიმმა მხარი დაუჭირა რუსეთის ფედერაციის მიერ საქართველოს წინააღმდეგ განხორციელებულ სამხედრო აგრესიას, აფხაზეთისა და ცხინვალის რეგიონების უკანონო ოკუპაციასა და წლების განმავლობაში მიმდინარე ეთნიკურ წმენდას.