აზერბაიჯანში, შექის რაიონში, დასასვენებელ ცენტრ Sheki Plateau-ში მომხდარი უბედურ შემთხვევ ორი ახალგაზრდის სიცოცხლე ემსხვერპლა. Marneuli News-ის ცნობით, ერთ-ერთი გარდაცვლილი საქართველოს მოქალაქე უჯალ ბაირამოვია. იგი ბოლნისის მუნიციპალიტეტის სოფელ დარბაზის მკვიდრი იყო.

აზერბაიჯანული მედიის ცნობით, ტრაგედია საბაგიროს ტიპის მოწყობილობით სარგებლობისას მოხდა. პირველადი გამოძიების თანახმად, 31 წლის ჯოშგუნ მამედოვი და 27 წლის უჯალ ბაირამოვი, რომლებიც დედაქალაქიდან შექიში დასასვენებლად იყვნენ ჩასულები, მოწყობილობაზე ყოფნისას უსაფრთხოების ზომებს არ იცავდნენ — საბაგიროს მთლიანობა და მოწყობილობის სხვა ტექნიკური დეტალები არ შემოწმებულა. მოძრაობის შედეგად, საბაგირო მოწყობილობის დამჭერი რგოლი (გორგოლაჭი) ტროსს მოწყდა, რის გამოც ორივე პირი სიმაღლიდან ჩამოვარდა.

აღსანიშნავია, რომ შემთხვევა 8 სექტემბერს დაფიქსირდა. თავდაპირველად ვრცელდებოდა ინფორმაცია, თითქოს საბაგიროს ტროსი გაწყდა. ამჟამად მომხდარზე გამოძიებას შექის რაიონული პროკურატურა აწარმოებს.