სამხრეთ ოსეთის დე-ფაქტო რესპუბლიკის პრეზიდენტმა, ანატოლი ბიბილოვმა სირიის მიერ დე-ფაქტო რესპუბლიკის დამოუკიდებლად აღიარებასთან დაკავშირებით განცხადება გაავრცელა:

"ახალი მეგობარი ყველას სჭირდება, მითუმეტეს იმ ქვეყნებს, რომლებიც მძიმე პირობების, სამხედრო აგრესიის და ტერორიზმის წინაშე აღმოჩდნენ. დიპლომატიური ურთიერთობის დამყარება ჩვენს ქვეყნებს შორის, დარწმუნებული ვარ, სირიელი და ოსი ხალხისთვის სასარგებლო იქნება.

მზად ვარ დავამყაროთ მჭიდრო პოლიტიკური, ეკონომიკური და კულტურული კავშირები და განვავითაროთ ჰუმანიტარული თანამშრომლობა. სირიისგან სამხრეთ ოსეთის დამოუკიდებლობის აღიარება იმ შეუქცევადი პროცესების გაგრძელებაა, რომელიც 2008 წელს ჩვენმა სტრატეგიულმა პარტნიორმა, რუსეთის ფედერაციამ წამოიწყო. დარწმუნებული ვარ, ყოველ წელს სულ უფრო მეტი ქვეყანა დაიწყებს კავკასიაში შექმნილი პოლიტიკური რეალობის გათვალისწინებას", - განაცხადა ბიბილოვმა.

სირიის მიერ ოკუპირებული ტერიტორიების დამოუკიდებლად გამოცხადებას გამოეხმაურა საქართველოს საგარეო უწყებაც და განაცხადა, რომ სირიასთან დიპლომატიურ ურთიერთობებს წყვეტს.