"ამ მოვლენას წინ უძღოდა აფხაზეთის საგარეო საქმეთა სამინისტროს, რუსეთის ფედერაციაში აფხაზეთის საელჩოს და სხვა უწყებების დიდი შრომა", - განაცხადა აფხაზეთის დე-ფაქტო რესპუბლიკის პრეზიდენტმა, რაულ ხაჯიმბამ სირიის მიერ აფხაზეთის დემოკრატიული რესპუბლიკის აღიარებასთან დაკავშირებით. განცხადება დე-ფაქტო რესპუბლიკის პრეზიდენტის ვებგვერდზე გამოქვეყნდა.

ბიბილოვის განცხადებაში ხაზგასმულია, რომ მოლაპარაკებებზე აფხაზეთსა და ოსეთს რუსეთის ფედერაციაში მომუშავე ელჩები წარმოადგენდნენ.

"ჩვენ დიდად ვაფასებთ სირიის არაბული რესპუბლიკის ამ ნაბიჯს და დარწმუნებული ვართ, რომ ჩვენი ურთიერთბები განვითარდება ურთიერთპატივისცემის და თანამშრომლობის სულისკვეთებით. დარწმუნებული ვარ, რომ უახლოეს მომავალში სირიის მიწაზე მშვიდობა დაისადგურებს და ხალხი მშვიდობიან ცხოვრებას დაუბრუნდება.", - განაცხადა ბიბილოვმა.

სირიას დამოუკიდებელ სახელმწიფოდ აღიარებისთვის მადლობა გადაუხადა, დე-ფაქტოს სახმრეთ ოსეთის პრეზიდენტმა, ანატოლი ბიბილოვმაც. მისი განცხადებით, სახმრეთ ოსეთის დამოუკიდებლობის აღიარება იმ პროცესის გაგრძელებაა, რომელიც 2008 წელს რუსეთმა დაიწყო.

საქართველოს საგარეო საქმეთა სამინისტრომ განაცხადა, რომ სირიასთან დიპლომატიურ ურთერთობას წყვეტს. უწყების თქმით, აღნიშნული ქმედებით ასადის რეჟიმმა მხარი დაუჭირა რუსეთის ფედერაციის მიერ საქართველოს წინააღმდეგ განხორციელებულ სამხედრო აგრესიას, აფხაზეთისა და ცხინვალის რეგიონების უკანონო ოკუპაციასა და წლების განმავლობაში მიმდინარე ეთნიკურ წმენდას.

სამხრეთ ოსეთის და აფხაზეთის დე-ფაქტო რესპუბლიკა უკვე აღიარა რუსეთმა, ნიკარაგუამ, ნაურუმ და ვენესუალამ.

სირიის პრეზიდენტს, ბაშარ ალ-ასადს, სამოქალაქო ომის პერიოდში, რუსეთი ყოველთვის მხარს უჭერდა. პუტინი სირიის ომში კიდევ უფრო აქტიურად მაშინ ჩაერთო, როცა ასადი სამხედრო და ეკონომიკური კუთხით დასუსტდა. რუსული ავია ბომბები ხვდება ისლამური სახელმწიფოს მებრძოლებს, თავდასხმები ასევე ხორციელდება დასავლეთის მიერ მხარდაჭერილ სირიის თავისუფალ არმიასა და მშვიდობიან მოქალაქეებს.