საქართველოს დამოუკიდებლობის 100 წლისთავთან დაკავშირებით, ლიეტუვის პრეზიდენტი დალია გრიბაუსკაიტე საქართველოში ჩამოვიდა, საქართველოს მოქალაქეებისთვის კი მილოცვის ვიდეო ჩაწერა.

"ძვირფასო საქართველო, ლიეტუვა გიგზავნით გულთბილ მოკითხვას ბალტიის ზღვის სანაპიროებიდან. მთელი გულით ვულოცავთ თქვენს არაჩვეულებრივ ქვეყანას, რომელიც პირველი ქართული დემოკრატიული რესპუბლიკის 100 წლისთავს აღნიშნავს.

თქვენი ნაბიჯი დამოუკიდებლობისკენ ძალზე გულადი ნაბიჯი იყო, რომელიც მოდიოდა ურყევი ნებიდან ყოფილიყავით თავისუფლები. დღეს, ჩვენ ვაფრიალებთ ხუთჯვრიან დროშას, რომ ვიზეიმოთ თქვენთან ერთად. ჩვენს ქვეყნებს აერთიანებთ თავისუფლების სიყვარული და დამოუკიდებლობის დაცვის მტკიცე ნება და ჩვენ ამაყები ვართ, რომ ვართ თქვენი მეგობრები - მეგობრები მამაცი ერისა, რომელმაც ამდენს მიაღწია".

მილოცვის ინგლისურად წარმოთქმის შემდეგ, გრიბაუსკაიტემ "დიდება თავისუფლებას!" ქართულად წარმოთქვა.

დღეს ლიეტუვას დედაქალაქ ვილნიუსში ხიდები და სამი ჯვრის მონასტერი საქართველოს დროშის ფერებში განათდა.