ქართულ ენაში ლიტვის ავთენტური დასახელება - ლიეტუვა (Lietuva) დამკვიდრდა. რეკომენდაცია ამასთან დაკავშირებით სახელმწიფო ენის დეპარტამენტმა გასცა.

საგარეო საქმეთა სამინისტროს ინფორმაციით, აღნიშნული გადაწყვეტილება მეგობრულ ჟესტს წარმოადგენს, რადგანაც მიმდინარე წლის სამ მაისს, ლიტვური ენის სახელმწიფო კომისიამ, ლიტვურ ენაში საქართველოს ავთენტური დასახელების დამკვიდრების გადაწყვეტილება მიიღო.

"როგორც ლიტვის ასევე საქართველოს გადაწყვეტილებები უაღრესად სიმბოლურია, ვინაიდან წელს ლიტვამ სახელმწიფოებრიობის აღდგენის მე-100 წლისთავი იზეიმა, ხოლო საქართველო სწორედ მაისის თვეში აღნიშნავს პირველი დემოკრატიული რესპუბლიკის დაარსების მეასე წლისთავს", - წერია სამინისტროს გავრცელებულ განცხადებაში.