მომხმარებელი Mancho Buendia საკუთარ Facebook-ზე ბათუმის სუვენირების მაღაზიაში გადაღებულ ფოტოს ავრცელებს.

ფოტოზე ასახულია ჭიქები, რომელთაგან ერთს, წითელი ფერისას Russia აწერია და რუსეთის გერბი ახატია, ხოლო მეორე, თეთრი ფერის ჭიქაზე, Georgia და საქართველოს დროშაა დატანილი.

ჭიქებს ადამიანის სახის ფორმა აქვს, რომლებიც ერთმანეთს კოცნიან.

სუვენირის არსებობის მიზანი ჩემთვის გაუგებარია, თუმცა, შეიძლება ვივარაუდოთ, რომ ეს სახალხო დიპლომატიის ერთგვარი გამოვლინებაა, რომელიც ეხმაურება ბოლო დროს მოზღვავებული მოთხოვნილებას "დავათბოთ უერთიერთობა რუსეთთან".

როგორც ჩანს, რუსი ტურისტების ყალბი სითბო, კუჭზე გამავალი სიყვარული, ძმობა და მონატრება, ქართულ ტურისტულ ინდუსტრიაში საკმარისად მიიჩნიეს, რომ ასეთი სახის პროდუქტი შეექმნათ.

არადა, დღეს დილას, რუსეთის დუმაში ახალი ანტი-ქართული ინიციატივა წამოიჭრა, რომლის მიხედვითაც რუსულ ბაზარზე ბორჯომი და ქართული ღვინო ისევ უნდა აიკრძალოს. კილომეტრებით გადმოწეულ მავთულხლართებსა და სეპარატისტული რეჟიმების დამოუკიდებელ სახელმწიფოებად აღიარებაზე რომ აღარაფერი ვთქვათ.

რუსეთის მეხოტბე და კოცნის მოსურვე ქართველებს ავიწყდებათ, რომ რუსებისთვის საქართველო და შესაბამისად, აი, ეს თეთრი ჭიქა, წარწერით Georgia, არის სახელმწიფო, რომლის შემადგენლობაშიც აფხაზეთი და სამაჩაბლო არ შედიან.