თბილისის მე-8 საერთაშორისო თეატრალური ფესტივალი 24 სექტემბერიდან 8 ოქტომბრის ჩათვლით გაიმართება.

კულტურის სამინისტრის ინფორმაციით, ფესტივალის საერთაშორისო პროგრამა - 24 სექტემბერიდან 6 ოქტომბრამდე გაგრძელდება, პროგრამა New - 27 სექტემბერიდან 1, 3 ოქტომბერამდე. ქართული სპექტაკლების პროგრამა გასული სეზონის შეჯამება იქნება და იგი ფესტივალზე წარმოდგენილი იქნება 4-8 ოქტომბერის ჩათვლით.

ფესტივალის ფარგლებში დაგეგმილია გამოფენების, ვორქშოფებისა და სემინარების მოწყობა.

სამინისტრო აცხადებს, რომ 24 სექტემბრიდან თბილისის ქუჩებსა და სხვადასხვა თეატრში მაყურებელი ინდოეთის, პოლონეთის, უკრაინის, დიდი ბრიტანეთის, გერმანიის, რუსეთის, სომხეთის, იაპონიის თეატრების დადგმებს იხილავს .

ქლევანდელი ფესტივალი პირველად წარმოდგენებს ღია ცის ქვეშ გამართავს.

თბილისის საერთაშორისო თეატრალური ფესტივალი სამთავრობო პროექტის Check in Georgia ფარგლებში ტარდება.

ფესტივალის პროგრამის სრულად ნახვა შეგიძლიათ აქ.