შინაგან საქმეთა სამინისტროს ადამიანის უფლებათა დაცვის დეპარტამენტის დირექტორმა, ლონდა თოლორაიამ დღეს, 16 მაისს ბრიფინგი გამართა და განაცხადა, რომ 17 მაისს მთავრობის კანცელარიასთან დაგეგმილ აქციაში მონაწილე ყველა პირის გამოხატვის თავისუფლებას დაიცავენ:

"17 მაისს გასამართ აქციაზე არასამთავრობო ორგანიზაციებსა და შსს-ს შორის გაიმართა შეხვედრა და შეთანხება შედგა დროზე და ადგილზე".

ლონდა თოლორაიამ აღნიშნა, რომ სიძულვილის მოტივის ნიშნით დაწყებულ სისხლის სამართლის საქმეებზე ჩატარებული გამოძიების შედეგად, 2018 წელს სიძულვილის მოტივი 50-ზე მეტ სისხლის სამართლის საქმეში გამოიკვეთა, რაც საგრძნობლად აჭარბებს 2017 წლის სრულ მონაცემებს:

"2018 წელს სიძულვილის მოტივით ჩადენილი დანაშაულის ბრალდებით, შინაგან საქმეთა სამინისტროს მიერ დაკავებული იქნა 53 პირი.".

ცოტა ხნის წინ ცნობილი გახდა, რომ თანასწორობის მოძრაობის ოფისთან პოლიცია იყო მობილიზებული. ისინი ჰომოფობიასა და ტრანსფობიის წინააღმდეგ ბრძოლის დღისადმი მიძღვნილ აქციაზე მსჯელობენ და ჯერ კიდევ უცნობია გაიმართება თუ არა ხვალ აქცია მთავრობის ადმინისტრაციასთან.