საქართველოს პარლამენტის თავმჯდომარის ირაკლი კობახიძის განცხადებით, ქართული ოცნება საპრეზიდენტო კანდიდატს აგვისტომდე დაასახელებს.

ირაკლი კობახიძის თქმით, მიმდინარეობს კონსულტაციები, რომლის საფუძველზეც გადაწყდება ვინ იქნება 2018 წლის საპრეზიდენტო არჩევნებში მმართველი გუნდის კანდიდატი.

კითხვაზე, განიხილება თუ არა ერთ-ერთ კანდიდატად საქართველოს საგარეო საქმეთა მინისტრი მიხეილ ჯანელიძე, პარლამენტის თავმჯდომარე პასუხობს, რომ რომელიმე კანდიდატის დასახელება არასწორი იქნება.

საქართველოს პარლამენტის თავმჯდომარე საპრეზიდენტო არჩევნებში მოქმედი პრეზიდენტის გიორგი მარგველაშვილის შანსებსაც გამოეხმაურა.

"კენჭისყრის უფლება ყველას აქვს, წარმატების შანსებს რაც შეეხება, მე დარწმუნებული ვარ, რომ გიორგი მარგველაშვილს მეორე ადგილზე გასვლის შესაძლებლობა არ აქვს", - განაცხადა ირაკლი კობახიძემ.

ის ვარაუდობს, რომ საპრეზიდენტო არჩევნებზე კონკურენცია წინა მუნიციპალური არჩევნების მსგავსად წარიმართება.