თუშეთის 10 ციხე-სოფლის საინვენტარიზაციო-კვლევითი სამუშაოებისთვის 400 ათასი ლარი გამოიყოფა. ამის შესახებ პრემიერ-მინისტრმა, გიორგი კვირიკაშვილმა მთავრობის სხდომაზე განაცხადა.

"საბჭოთა კავშირის დაშლის შემდგომ არ ჩატარებულა არანაირი კვლევა ამ კულტურული მემკვიდრეობის და ჩვენ აუცილებლად უნდა დავგეგმოთ, პირველ რიგში, ამ ძეგლების აღწერა და ინვენტარიზაცია და შემდგომში უკვე სრული რეაბილიტაცია", - განაცხადა პრემიერმა.

მისივე თქმით, კვლევითი სამუშაოები პირველ ეტაპზე ჩატარდება 10 ციხე-სოფელში: ძველი დიკლო, ძველი გირევი, ჭონთიო, ჰეღო, აგეურთა, წარო, კვავლო, ფარსმა, დაქიურთა და ინდურთა.