სტუდენტური გაერთიანება აუდიტორია #115-ის წევრებმა, დღეს, სენატის არჩევნებში მონაწილეობის მისაღებად, სტუდენტების მიერ მხარდაჭერილი კანდიდატები წარადგინეს. უნივერსიტეტმა წარმომადგენლობითი ორგანოს, სენატის ახალი შემადგენლობა 15 ივლისს უნდა აირჩიოს.

აუდიტორია 115-მა სულ 6 კანდიდატი წარმოადგინა:

  1. ჰუმანიტარული ფაკულტეტი – გიორგი ჯავახაძე
  2. იურიდიული ფაკულტეტი – თორნიკე გერლიანი
  3. ფსიქოლოგიისა და განათლების მეცნიერების ფაკულტეტი – მარიამ ბაღდავაძე
  4. სოციალურ და პოლიტიკურ მეცნიერებათა ფაკულტეტი – თორნიკე შევარდნაძე
  5. ბიზნესის და ეკონომიკის ფაკულტეტი – ლადო შუბითიძე

  6. ზუსტ და საბუნებისმეტყველო მეცნიერებათა ფაკულტეტი – ანანო ბასილაია

დღევანდელ შეხვედრაზე, აუდიტორია 115-ის მხარდაჭერილმა კანდიდატებმა დებატებში გამოიწვიეს ოპონენტი კანდიდატები. მათი განცხადებით, წინასაარჩევნოდ, წინასწარ განსაზღვრული წესებით დებატების გამართვა ხელს შეუწყობს ამომრჩევლის ინფორმირებულ არჩევანს.