პოლონეთის, ლიტვის, ლატვიისა და ესტონეთის საგარეო საქმეთა სამინისტროებმა რუსეთის ელჩები გამოიძახეს. რასთან არის გამოძახება დაკავშირებული ჯერ უცნობია. ინფორმაციას RIA ავრცელებს.

ბრიტანული გაზეთი The Times წერს, რომ მსგავსი ნაბიჯი, შეიძლება, ევროკავშირის კიდევ რამდენიმე ქვეყანამ გადადგას.

Bloomberg-ის ინფორმაციით, დონალდ ტრამპი აშშ-დან რამდენიმე ათეული დიპლომატის გაძევებას აპირებს. გამოცემის ცნობით, ტრამპის გადაწყვეტილება ყოფილი რუსი ჯაშუშის, სერგეი სკრიპალის მოწამვლის ფაქტს უკავშირდება.

სერგეი სკრიპალი და მისი ქალიშვილი 4 მარტს მოწამლეს. ბრიტანეთის მთავრობამ მათ მოწამვლაში რუსეთი დაადანაშაულა. დიდი ბრიტანეთის პრემიერ-მინისტრმა, ტერეზა მეიმ ამ ბრალდების გამო 23 რუსი დიპლომატი ქვეყნიდან გააძევა და სხვა ქვეყნებსაც მხარდაჭერისკენ მოუწოდა.

გაუგეთ მეტი: