დონალდ ტრამპი ათობით რუსი დიპლომატის ქვეყნიდან გაძევებისთვის ემზადება - ამის შესახებ ინფორმაციას Bloomberg ავრცელებს. გამოცემის ცნობით, ტრამპის გადაწყვეტილება ორმაგი აგენტის სერგეი სკრიპალის მოწამვლის ფაქტს უკავშირდება.

ტრამპი მრჩევლებს დათანხმდა და გადაწყვეტილების შესახებ სავარაუდოდ, ორშაბათს განაცხადებს. გამოცემა წერს, რომ ტრამპის გადაწყვეტილება საბოლოო არ არის, თუმცა ამ ქმედებისთვის ემზადება. მას სურს დარწმუნდეს, რომ ევროპელი დიპლომატებიც რუსეთის წინააღმდეგ ანალოგიურ ნაბიჯებს გადადგამენ.

მოსალოდნელია, რომ ლატვია, ლიტვა, ესტონეთი და ჩეხეთის რესპუბლიკა მხარს დაუჭერს დიდ ბრიტანეთს და რუს დიპლომატებს ქვეყნიდან გააძევებს. საფრანგეთი და გერმანია მხარს უჭერენს ტერეზა მეის მოწოდებას გააძევონ რუსი დიპლომატები ქვეყნიდან, თუმცა ზუსტი გეგმები ჯერჯერობით ნათელი არ არის.

ორმაგი აგენტი სერგეი სკრიპალი და მისი ქალიშვილი 4 მარტს მოწამლეს. ბრიტანეთის მთავრობამ მათ მოწამვლაში რუსეთი დაადანაშაულა. დიდი ბრიტანეთის პრემიერ-მინისტრმა ტერეზა მეიმ ამ ბრალდების გამო 23 რუსი დიპლომატი ქვეყნიდან გააძევა და სხვა ქვეყნებსაც მხარდაჭერისკენ მოუწოდა.