სკრიპალის სკანდალის გამო ევროკავშირმა რუსეთიდან ელჩი გაიწვია. ევროპის ლიდერებმა ყოფილი ჯაშუშის მოწამვლაში რუსეთის სავარაუდო თანამონაწილეობის მოსაზრება გაიზიარეს და სამიტზე ელჩის გაწვევის გადაწყვეტილება მიიღეს.

ნიდერლანდების პრემიერ-მინისტრმა მარკ რიუტემ დააზუსტა, რომ ეს გადაწყვეტილება რუსეთის წინააღმდეგ მიღებული სანქცია არაა და ელჩს ბრიუსელში კონსულტაციებისთვის ერთი თვით გაიწვევენ.

4 მარტს დიდ ბრიტანეთში, სოლსბერიში ყოფილი რუსი ჩაშუში სერგეი სკრიპალი და მისი შვილი ნევრო-პარალეპტიკური გაზით მოწამლეს. ბრიტანეთის პრემიერმა, ტერეზა მეიმ მკვლელობის მცდელობაში რუსეთი დაადანაშაულა და მისგან ახსნა-განმარტება მოითხოვა. ულტიმატუმის არშესრულების გამო კი 14 მარტს მეიმ ქვეყნიდან 23 რუსი დიპლომატი გააძევა.

ბრიტანეთის ქმედებების საპასუხოდ 17 მარტს რუსეთის საგარეო საქმეთა სამინისტრომ მოსკოვში დიდი ბრიტანეთის საელჩოს 23 თანამშრომელი "პერსონა ნონ-გრატად" გამოაცხადა და მოითხოვა, რომ მათ ერთი კვირაში დატოვონ ქვეყანა. ასევე, დაიხურება ბრიტანეთის საბჭო, რაც აქამდე სახელმწიფოებს შორის კულტურული ურთიერთობების განვითარებას უზრუნველყოფდა.

გაიგეთ მეტი: