დიდი ბრიტანეთის პრემიერ-მინისრტმა, ტერეზზა მეიმ თემთა პალატაში გამოსვლისას განაცხადა, რომ რუსეთის საგარეო საქმეთა მინისტრს, სერგეი ლავროვს, ბრიტანეთში ვიზიტის მოწვევა გაუუქმა.

ამასთანავე, ბრიტანეთის მაღალჩინოსნები და სამეფო ოჯახის წარმომადგენლები ზაფხულში ფეხბურთის მსოფლიო თასისთვის რუსეთში არ გაემგზავრებიან. ლონდონი კერძო თვითმფრინავებისა და საბაჟოების კონტროლის გამკაცრებას აპირებს.

ტერეზა მეიმ, ასევე, აღნიშნა, რომ რუსეთთან მაღალ პოლიტიკურ დონეზე დიალოგს წყვეტს. ასევე, ცნობილია, რომ ბრიტანეთის 23 რუს დიპლომატს გააძევებენ. დიპლომატებს ქვეყნის დასატოვებლად ერთი კვირა აქვთ.

გადაწყვეტილება მას შემდეგ მიიღეს, რაც ოფიციალურმა მოსკოვმა უპასუხოდ დატოვა ლონდონის ულტიმატუმი. ტერეზა მეიმ 12 მარტს, განაცხადა, რომ ბრიტანეთი 24 საათის განმავლობაში დაელოდებოდა მოსკოვის ოფიციალურ ახსნა-განმარტებას თუ როგორ მოხვდა ბრიტანეთის ტერიტორიაზე, რუსეთში დამზადებული ნერვო-პარალეპტიკური გაზი სახელწოდებით ნოვიჩოკი, რითიც იქნა მოწამლული სკრიპალი და მისი შვილი.

მოსკოვმა ულტიმატუმი უპასუხოდ დატოვა, თუმცა რუსეთის საგარეო საქმეთა მინისტრმა, სერგეი ლავროვმა დღეს დილით განაცხადა, რომ ოფიციალური მოთხოვნის მიღებიდან, მოსკოვი 10 სამუშაო დღის განმავლობაში ლონდონს ოფიციალურ პასუხს გადაუგზავნიდა.

გაიგეთ მეტი: