დიდი ბრიტანეთის თავდაცვის მინისტრმა, გევინ იულიამსონმა განაცხადა, რომ რუსეთი გვერდზე უნდა გადგეს და მოკეტოს. ასე იულიამსონმა უპასუხა კითხვას, თუ რას იზამდა ბრიტანეთი თუ რუსეთი ბრიტანელ დიპლომატებს გამოაძევებს.

"ის, რაც რუსეთმა სოლსბერიში გააკეთა აღმაშფოთებელი და სასტიკია. ჩვენ ამას ვუპასუხეთ", - განაცხადა მინისტრმა.

რუსეთის საგარეო საქმეთა მინისტრმა, სერგეი ლავროვმა განაცხადა, რომ ლონდონის ქმედების საპასუხოდ ისინი ბრიტანელ დიპლომატებს ქვეყნიდან გააძევებენ.

გუშინ, 14 მარტს დიდი ბრიტანეთის პრემიერ-მინისტრმა, რომ ბრიტანეთი 23 რუს დიპლომატს გააძევებს. დიპლომატებს ქვეყნის დასატოვებლად ერთი კვირა აქვთ.

გადაწყვეტილება მას შემდეგ მიიღეს, რაც ოფიციალურმა მოსკოვმა უპასუხოდ დატოვა ლონდონის ულტიმატუმი. ტერეზა მეიმ 12 მარტს, განაცხადა, რომ ბრიტანეთი 24 საათის განმავლობაში დაელოდებოდა მოსკოვის ოფიციალურ ახსნა-განმარტებას თუ როგორ მოხვდა ბრიტანეთის ტერიტორიაზე, რუსეთში დამზადებული ნერვო-პარალეპტიკური გაზი სახელწოდებით ნოვიჩოკი, რითიც იქნა მოწამლული სკრიპალი და მისი შვილი.

რუსეთის საგარეო საქმეთა მინისტრმა, სერგეი ლავროვმა 15 მარტს დილით განაცხადა, რომ ოფიციალური მოთხოვნის მიღებიდან, მოსკოვი 10 სამუშაო დღის განმავლობაში ლონდონს ოფიციალურ პასუხს გადაუგზავნიდა.

გაიგეთ მეტი: