კამპანია ეს შენ გეხებას წევრებთან პრეზიდენტის ადმინისტრაციის შენობაში შეხვედრისას პირადი ცხოვრების ამსახველი ფარული ჩანაწერების გავცელებას გამოეხმაურა:

"პირველ რიგში მინდა მივმართო იმ ადამიანებს, ვისაც ემუქრებიან შანტაჟით და ვისაც ემუქრება ეს ბნელი ძალა. მინდა მოგმართოთ ჩემი თანამოქალაქეებო, მიუხედავად თქვენი პოლიტიკური შეხედულებისა ან მსოფხედველობის. მე ვდგავარ თქვენ გვერდით და მუდამ დაგიცავთ. და მუდამ სოლიდარული ვიქნები იმ ადამიანების მიმართ ვის ჩაგვრასაც ვინმე ცდილობს. ამის საბუთათ დღეს შემიძლია ღიად საზოგადოებას ვუთხრა, რომ სექსი და სექსუალური ცხოვრება არ არის სამარცხვინო. მე პირადად მაქვს სექსუალური ცხოვრება, მქონია სექსუალური ცხოვრება, ძალიან მდიდარი და მექნება კიდე მომავალში და იცოდეთ, რომ ყოველთვის დაგიცავთ თქვენ და ამ თემას ყოველთვის მოვაშორებ რაღაც უაზრო შავბნელ სტიგმას."

პრეზიდენტმა იმ პირებსაც მიმართა, რომლებიც ვიდეოებს ასაჯაროებენ:

"თითოეულს გიპოვნით. და ვერ გაიტანთ საქართველოში ადამიანების შეშინებას, ძალადობას და ტერორს."

მარგველაშვილის თქმით, საზოგადოება არ უნდა გახდეს მორალური თანამონაწილე და არ უნდა გაავრცელოს და უყუროს გავრცელებულ კადრებს. მისივე განცხადებით, საზოგადოებამ უნდა აჯობოს დამნაშავეებს და არ მისცეს საშუალება, რომ ვინმე დააშანტაჟონ.