თბილისის მერის, კახა კალაძის თქმით, რუსთაველის გამზირზე მდებარე კავშირგაბმულობის ყოფილი შენობის ადგილზე სასტუმროს მშენებლობის ნებართვა არ გაცემულა:

"არანაირი მშენებლობა არ იგეგმება და არც პროექტის შეთანხმება მომხდარა. რუსთაველის გამზირი ძალიან მნიშვნელოვანი ადგილია თითოეული ჩვენგანისთვის, შესაბამისად, ასე ადვილად გადაწყვეტილების მიღება არ და ვერ მოხდება. თუ რაიმე პროექტის მშენებლობა დაიგეგმება, ეს გახდება საერთო განხილვის საგანი".

თბილისში რუსთაველის გამზირის 12-ში სასტუმრო Four Season-ის ესკიზს კულტურული მემკვიდრეობის დაცვის საბჭომ დადებითი შეფასება მისცა. არქიტექტურს სამსახურმა წინასწარი თანხმობა უკვე გასცა.

ხელოვნებათმცოდნე თამარა ამაშუკელის თქმით, ამ ადგილას ახალი შენობის აშენება პრობლემურია. როგორც მან On.ge-სთან საუბარში აღნიშნა, არსებული პროექტი, რომელიც ჯერ დამტკიცებული არ არის, საკმაოდ აგრესიული არქიტექტურით არღვევს იმ ისტორიულ განაშენიანებას, რომელიც რუსთაველის გამზირს აქვს.

გაიგეთ მეტი: რატომ არის პრობლემური რუსთაველის გამზირზე ახალი სასტუმროს მშენებლობა