საშინელებათა ჟანრის მოყვარულ კინომანებს წინ ძალიან კარგი წელი აქვთ. 2018-ში ეკრანზე ჰორორის რამდენიმე ძალიან საინტერესო და რაც მთავარია საშიში ფილმი გამოდის.

თუმცა კინოკრიტიკოსებს და ჟურნალისტებს საკუთარი რჩეული უკვე ჰყავთ და წლევანდელი წლის ყველაზე საშიშ ჰორორად Hereditary დაასახელეს.

ფილმში მთავარ როლებს ტონი კოლეტი, ენ დოუდი, ალექს ვოლფი და მილი შაპირო ასრულებენ.

კინოკრიტიკოსები იმასაც კი წერენ, რომ ტონი კოლეტმა აღნიშნული როლით, შესაძლოა, 2019 წელს ოსკარის ნომინაცია მიიღოს.

კინოსურათი ეკრანზე 2018 წლის 28 ივნისს გამოვა.