პრემიერ-მინისტრის გიორგი კვირიკაშვილის თქმით, დავოსში ვიზიტამდე ოლიმპიური კომიტეტის პრეზიდენტს შეხვდა და ზამთრის ოლიმპიადის საქართველოში ჩატარებაზე იმსჯელეს:

"საქართველო იწყებს მომზადებას, დაახლოებით 2030 წლის პერსპექტივისთვის, რათა მოვამზადოთ ქვეყანაში ყველაფერი, რომ ზამთრის ოლიმპიური თამაშები საქართველოში ჩავატაროთ".

პრემიერის განცხადებით, ოლიმპიური თამაშების მასპინძლობა ახალ ინვესტიციებს მოიტანს, გაჩნდება სამუშაო ადგილები და საქართველოს კიდევ ერთხელ წარმოაჩენს საერთაშორისო მასშტაბით.