სამხრეთ ოსეთში ვარაუდობენ, რომ მარეკ დუდაევის მკვლელი საქართველოშია მიმალული.

როგორც ოკუპირებული რეგიონის შს მინისტრმა, იგორ ნანიევმა ადგილობრვ საინფორმაციო სააგენტოს რეს უთხრა, დამნაშავის ვინაობა უკვე დადგენილია, თუმცა მას არ ასახელებენ.

რეგიონის დე ფაქტო ოფიციალური პირების ინფორმაციით, მკვლელს საქართველოში ნათესავები ჰყავს. მათივე თქმით, თუ ეს ვარაუდი დადასტურდა, ოსური მხარე საქართველოს ხელისუფლებას მიმართავს და დამნაშავის გადაცემას ითხოვს.

2004 წლის მარტში, ცხინვალში მცხოვრებ მარეკ დუდაევს საქართველოში 23-წლიანი პატიმრობა მიუსაჯეს. 2005 წლის ნოემბერში, თბილისის საოლქო სასამართლომ დამნაშავედ სცნო მკვლელობაში, ყაჩაღობასა და ფულის გამოძალვაში. ხელისუფლების შეცვლის შემდეგ, 2013 წელს ის პატიმრობიდან გაათავისუფლეს და დე ფაქტო რესპუბლიკას გადასცეს.

გუშინ, 16 იანვარს, სამხრეთ ოსეთის სოფელ არცევში დუდაევი მოკლული იპოვეს.