ბრედ პიტთან ზამთარი ოფიციალურად დადგა.

მსახიობი და პროდიუსერი მზადაა სამეფო კარის თამაშების ერთი ეპიზოდის ყურებაში $120 ათასი გადაიხდოს. თუმცა ის მარტო არ იქნება, ბრედს კომპანიონობას ემილია კლარკი და კიტ ჰარინგტონი გაუწევენ.

პიტმა გადაწყვეტილება შონ პენის მიერ, ჰაიტის დასახმარებლად გამართულ წვეულებაზე მიიღო.

თავდაპირველად პიტი მზად იყო $20 ათასი გადაეხადა GOT-ის ემილია კლარკთან ერთად ყურებაში, თუმცა ამის სურვილი იქ მყოფ სხვა მსახიობებსა თუ შოუ-ბიზნესის წარმომადგენლებსაც ჰქონდათ, რის გამოც ღირებულება $80 ათასამდე გაიზარდა, მას შემდეგ კი რაც საქმეში ჯონ სნოუს როლის შემსრულებელ, კიტ ჰარინგტონიც ჩერთო, ფასმა $120 ათასამდე მოიმატა და პიტმაც დაუფიქრებლად გადაიხადა ეს თანხა.