ფილიპინების სამხრეთ რეგიონში მომხდარი ტროპიკული შტორმის შედეგად დაღუპულია 180 ადამიანი. ასევე, დაკარგულად ითვლება რამდენიმე ათეული. სტიქიის შესახებ ინფომაციას BBC ავრცელებს.

სტიქიის შედეგად ყველაზე მეტად ქალაქები ტუბოდი და პიაგაპო დაზარალდა. დღევანდელი მდგომარეობით შტორმმა გადაირა რეგიონი და დასავლეთის მიმართულებით ვითარდება. ხელისუფლების განცხადებით, შესაძლოა, მსხვერპლი კიდევ გაიზარდოს.

შტორმმა სახელად ტემბინი ფილიპინების სამხრეთში მდებარე კუნძულ მანდანაოს რეგიონს გადაუარა. შტორმის შედეგად განვითარდა წყალდიდობა და არაერთი დასახლებული პუნქტი წყლის ქვეშ მოექცა. შტორმის დროს ქარის სიჩქარემ 80 კმ/სთ-ს მიაღწია.

ფილიპინებში ტროპიკული შტორმები ხშირი მოვლენაა. 2013 წელს რეგიონში განვითარებულ ტაიფუნს ხუთი ათასი ადამიანი ემსხვერპლა.