საქართველოს ეროვნული უშიშროების საბჭოს მდივნის, დავით რაქვიაშვილის განცხადებით, უკრაინაში შიდაპოლიტიკური პროცესები მიმდინარეობს, რაზეც პოლიტიკური შინაარსის კომენტარს ვერ და არ გააკეთებს.

"ამავდროულად, ამ მოვლენების ეპიცენტრში იმყოფება საქართველოს ყოფილი პრეზიდენტი და ეს განსაკუთრებულ მნიშვნელოვნებაას და დატვირთვას აძლევს ამ მოვლენებს. იმედი გვაქვს, რომ ექს-პრეზიდენტ სააკაშვილის ფიზიკური დაცულობა, ამ რთულ გარემოებაში, უზრუნველყოფილი იქნება".

რამდენიმე საათის წინ კიევში საკუთარ ბინაში მიხეილ სააკაშვილი დააკავეს. დილიდან გენერალური პროკურატურა და უსაფრთხოების სამსახური, საქართველოს ყოფილი პრეზიდენტის ბინას ჩხრეკდა. ჩხრეკის გამო ის შენობის სახურავზე ავიდა და გადმოხტომით იმუქრებოდა.

დაკავებული მიხეილ სააკაშვილის მანქანით გაყვანა ამ დრომდე ვერ ხერხდება. მისმა მხარდამჭერებმა ბარიკადები აღმართეთს, აქციის ერთ-ერთმა მონაწილემ კი ბენზინი გადაისხა და თავის დაწვა სცადა.

უკრაინის გენპროკურორის, იური ლუცენკოს თქმით, სააკაშვილის საპროტესტო აქციების მიზანი ხელისუფლების დამხობა იყო და მისი გუნდი ფინანსებოდა იანუკოვიჩის წარმომადგენლების მიერ. უკრაინელი სამართალდამცავების ცნობით, მიხეილ სააკაშვილს ნახევარი მილიონი აშშ დოლარი გადასცა რუსულმა მხარემ.