"ჩვენ ვასრულებთ ჩვენს მოვალეობას, ვაკავებთ ადამიანს, რომელსაც ბრალი ედება განსაკუთრებით მძიმე დანაშაულში უკრაინის სახელმწიფოს წინააღმდეგ. მის გარშემო მყოფებს შეუძლიათ იხილონ რაც დაფიქსირდა უკრაინის სახელმწიფოს მიერ",- უკრაინის გენერალურმა პროკურორმა იური ლუცენკომ, დღეს, 5 დეკემბერს გამართულ ბრიფინგზე სააკაშვილის წინააღმდეგ მოპოვებული მტკიცებულებები წარმოადგინა.

პროკურორმა მედიის წარმომადგებნლებს კერძოდ აუდიოჩანაწერი გააცნო. იური ლუცენკოს თქმით, სააკაშვილის საპროტესტო აქციების მიზანი ხელისუფლების დამხობა იყო და მისი გუნდი ფინანსებოდა იანუკოვიჩის წარმომადგენლების მიერ. უკრაინელი სამართალდამცავების ცნობით, მიხეილ სააკაშვილს ნახევარი მილიონი აშშ დოლარი გადასცა რუსულმა მხარემ.

ლუცენკოს თქმით, პროკურატურა სააკაშვილისთვის აღკვეთი ღონისძიების სახით ელექტრონული სამაჯურის გამოყენებით შინაპატიმრობას მოითხოვს.

გენპროკურორის მტკიცებით, სააკაშვილს ბრალად ედება დანაშაულებრივ ჯგუფებთან თანამშრომლობა, კერძოდ, უკრაინის სსკ-ის 256-ე მუხლის პირველი ნაწილს. ბრალის დამტკიცების შემთხვევაში მას სამიდან ხუთ წლამდე პატიმრობა ემუქრება.

დაკავებული მიხეილ სააკაშვილის მანქანით გაყვანა ამ დრომდე ვერ ხერხდება. მისმა მხარდამჭერებმა ბარიკადები აღმართეთს, აქციის ერთ-ერთმა მონაწილემ კი ბენზინი გადაისხა და თავის დაწვა სცადა.

რამდენიმე საათის წინ კიევში საკუთარ ბინაში მიხეილ სააკაშვილი დააკავეს. დილიდან გენერალური პროკურატურა და უსაფრთხოების სამსახური, საქართველოს ყოფილი პრეზიდენტის ბინას ჩხრეკდა. ჩხრეკის გამო ის შენობის სახურავზე ავიდა და გადმოხტომით იმუქრებოდა.