საზოგადოებრივი მოძრაობა საქართველო მშვიდობისთვის წარმომადგენლის, დავით თევზაძის განმარტებით, თავდაცვის მინისტრის გუშინ მიღებული გადაწყვეტილება იმასთან დაკავშირებით, რომ სავალდებულო სამხედრო სამსახურში აღნიშნული უწყება სამხედრო მოსამსახურეებს აღარ გაიწვევს, არასწორია:

"სტილი, როგორ გაცხადდა ეს, საჯაროდ ხელის მოწერა გაუგებარ ბრძანებაზე, ეს, რა თქმა უნდა, საარჩევნო პიარის ნაწილია".

გუშინ თინა ხიდაშელმა მედიასთან გამართულ შეხვედრაზე ხელი იმ გადაწყვეტილებას მოაწერა, რომლის თანახმადაც, თავდაცვის სამინისტრო სავალდებულო სამხედრო სამსახურში მოქალაქეებს აღარ გაიწვევს.

თუმცა, როგორც On.ge-ს თავდაცვის სამინისტროში განუმარტეს, აღნიშნული ცვლილება სამხედრო მოსამსახურეთა მხოლოდ იმ 25%-ს შეეხება, რომლებსაც სწორედ ეს უწყება იწვევდა ჯარში, დანარჩენ 75%-ს კი, რომელსაც შსს და სასჯელაღსრულების დეპარტამენტი იწვევს, ცვლილებები არ შეეხება.