სამხედრო სავალდებულო გაწვევა გაუქმებულია. შესაბამის ბრძანებას თავდაცვის მინისტრმა, თინათინ ხიდაშელმა ხელი მედიასთან გამართულ შეხვედრაზე დღეს მოაწერა. ხიდაშელმა ასევე განმარტა, რომ თუ მის მომდევნო მინისტრს აღნიშნული გადაწყვეტილების შეცვლა მოუნდება, მას მოუწევს ბრძანების გაუქმებას მოაწეროს ხელი:

"ბევრი ვეცადეთ საკანონმდებლო თვალსაზრისით ამ პრობლემის მოგვარება, რომ საერთოდ აგვეკრძალა შეიარაღებულ ძალებში. ეს არ გამოვიდა, თუმცა ვიპოვეთ სხვა ფორმა, რომლითაც მე, როგორც თავდაცვის მინისტრს, შემიძლია ეს გადაწყვეტილება ცალხმრივად და ერთპიროვნულად მივიღო".

ხიდაშელმა განმარტა, რომ ამიერიდან თავდაცვის სამინისტრო მხოლოდ საკონტრაქტო სამსახურის საფუძველზე ითანამშრომლებს სამხედრო მოსამსახურეებთან.

როგორც თავდაცვის სამინისტროში On.ge-ს განუცხადეს, დღეს მიღებული ცვლილება სამხედრო მოსამსახურეთა მხოლოდ იმ 25%-ს შეეხება, რომელსაც ჯარში აქამდე თავდაცვის სამინისტრო იწვევდა. რაც შეეხება დანარჩენ 75%-ს, რომელსაც შსს და სასჯელაღსრულების დეპარტამენტი იწვევს ჯარში, მათ ეს ცვლილება არ ეხებათ.

გუგა ჩაფიძე: სამხედრო სავალდებულო გაწვევა არ გაუქმებულა