პრემიერმინისტრს, გიორგი კვირიკაშვილს მიაჩნია, რომ თინა ხიდაშელის მიერ მიღებულ გადაწყევტილება იმასთან დაკავშირებით, რომ სავალდებულო სამხედრო სამსახური უნდა გაუქმდეს, მთავრობისა და უშიშროების საბჭოს სხდომებზე უნდა განიხილონ. ინფორმაცია ამის შესახებ On.ge-ს მთავრობის ადმინისტრაციაში მიაწოდეს.

დღეს თინა ხიდაშელმა მედიასთან გამართულ შეხვედრაზე ხელი იმ გადაწყვეტილებას მოაწერა, რომლის თანახმადაც, თავდაცვის სამინისტრო სავალდებულო სამხედრო სამსახურში მოქალაქეებს აღარ გაიწვევს. თუმცა, აღნიშნული ცვლილება სამხედრო მოსამსახურეთა მხოლოდ იმ 25%-ს შეეხება, რომლებსაც სწორედ ეს უწყება იწვევდა ჯარში, დანარჩენ 75%-ს კი, რომელსაც შსს და სასჯელაღსრულების დეპარტამენტი იწვევს, ცვლილებები არ შეეხება.

ხიდაშელის გადაწყვეტილება უარყოფითად შეაფასა თავდაცვის და უშიშროების კომიტეტის თავჯდომარემ, ირაკლი სესიაშვილმა. On.ge-სთან საუბარში მან აღნიშნა, რომ თავდაცვის მინისტრი საკითხს არასერიოზულად და უპასუხისმგებლოდ მიუდგა:

"ასე ცალმხრივად გადაწყვეტილების მიღება მაშინ, როდესაც მინისტრმა შეიძლება პოსტი 2 კვირაში დატოვოს და იმის გაცხადება, რომ თუ არ მოეწონება მომავალ მინისტრს, შეცვალოს ეს გადაწყვეტილება, მინიმუმ არასერიოზულია მიდგომაა".