პრემიერ-მინისტრი გიორგი კვირიკაშვილი, ხორავას ქუჩაზე, არასრულწლოვანთა დაპირისპირების ფაქტს, ფეისბუქის საკუთარ გვერდზე ეხმაურება და წერს, რომ მთელი საზოგადოება უნდა გაერთიანდეს მშვიდი და ჯანსაღი გარემოს შესაქმნელად:

"ამ მიმართულებით წამყვანი როლი ეკისრება განათლების სისტემის გარშემო ჩვენს კონსოლიდაციას. ეს არის თემა, რომელსაც მხარე არ ჰყავს! ამ უმძიმეს წუთებში მინდა გამოვთქვა იმედი, რომ ჩვენ ერთობლივი ძალებით ყველაფერს გავაკეთებთ იმისთვის, რომ ასეთი ტრაგედია აღარ განმეორდეს".

პრემიერმა დაღუპული მოზარდების ოჯახებსა და ახლობლებს მიუსამძიმრა და განაცხადა, რომ ეს არის საერთო ტრაგედია:

"უკიდურესად შეძრწუნებული ვარ გუშინ, თბილისში მომხდარი შემზარავი ტრაგედიის გამო, რასაც ორი მოზარდის სიცოცხლე შეეწირა...კიდევ ერთხელ დაგვაფიქრა იმაზე, თუ როგორ მივედით იმ მდგომარეობამდე, რომ ჩვენი ახალგაზრდები, ჩვენი შვილები ასე სასტიკად და დაუნდობლად წირავენ ერთმანეთს".

პირველ დეკემბერს, თბილისში, ხორავას ქუჩაზე არასრულწლოვნებს შორის დაპირისპირების შედეგად დაჭრილი სკოლის მოსწავლე საავადმყოფოში მისვლამდე დაიღუპა. ცივი იარაღით დაჭრილი მეორე არასრულწლოვანი, მომხდარიდან მეორე საავადმყოფოში გარდაიცვალა.