რუსეთში, ვლადიმირის ოლქში მდებარე Wildberries-ის ლოგისტიკურ ცენტრს დრონებით დაესხნენ თავს. ტელეგრამ-არხების ცნობით, იერიში უკრაინის არმიამ 3 აგვისტოს დილას განახორციელა.

Exilenova_plus-ის მიერ გავრცელებულ კადრებში ობიექტზე გაჩენილი ძლიერი ხანძარი ჩანს, რაც მოგვიანებით კომპანიამაც დაადასტურა.

უკრაინის მიერ რუსულ ინფრასტრუქტურაზე გაძლიერებული დარტყმების ფონზე, Wildberries-ის საწყობები და ლოგისტიკური ცენტრები სისტემატურად ხდება დრონების სამიზნე. მანამდე, 2 აგვისტოს, უკრაინულმა უპილოტო აპარატებმა სამარის ოლქში განთავსებულ კომპანიის საწყობს დაარტყეს.