მოსკოვის ოლქის გუბერნატორის, ანდრეი ვორობიოვის განცხადებით, ოლქში მდებარე Wildberries-ის საწყობზე დრონით განხორციელებული დარტყმის შედეგად ოცდაოთხი ადამიანი დაშავდა. ინფორმაციას რუსული მედია ავრცელებს.

"მოსკოვის ოლქზე ღამით თავდასხმა განხორციელდა... ელექტროსტალში, Wildberries-ის საწყობზე დრონის ჩამოვარდნის შედეგად 24 ადამიანი დაშავდა. ზოგიერთი დაზარალებულის მდგომარეობა მძიმეა," — დაწერა მან პლატფორმა Max-ზე.

გარდა ამისა, დრონის ჩამოვარდნამ ნოგინსკში ნავთობბაზაზე ხანძარი გამოიწვია. მის სიახლოვეს სამშობიარო სახლი მდებარეობს; პაციენტებისა და პერსონალის ევაკუაცია განხორციელდა და ისინი სხვა სამედიცინო დაწესებულებებში გადაიყვანეს. ადგილზე მეხანძრეები, მაშველები და ყველა საგანგებო სამსახური მუშაობს.

ვორობიოვმა დაამატა, რომ ნოგინსკზე თავდასხმისას ორი ადამიანი დაშავდა. ექიმები ყველა დაზარალებულს შესაბამის დახმარებას უწევენ.

საერთო ჯამში, საჰაერო თავდაცვის ძალებმა მოსკოვის ოლქში ღამის განმავლობაში 48 უპილოტო საფრენი აპარატი ჩამოაგდეს.