ერთიანი ნაციონალური მოძრაობის ერთ-ერთ ლიდერს, ლევან ხაბეიშვილს 2 წლით და 6 თვით თავისუფლების აღკვეთა მიესაჯა. განაჩენი მოსამართლე ირაკლი ხუსკივაძემ გამოიტანა.

ლევან ხაბეიშვილი 11 სექტემბერს დააკავეს. მას ბრალად ედებოდა "ქრთამის მიცემა — უკანონო ქმედების ჩასადენად", რაც 4-დან 7 წლამდე პატიმრობას ითვალისწინებს. გარდა ამისა, მას ბრალი წარდგენილი ჰქონდა საქართველოს სისხლის სამართლის კოდექსის 317-ე მუხლით, რაც სახელმწიფო ხელისუფლების დამხობისაკენ მოწოდებას გულისხმობს და ისჯება თავისუფლების აღკვეთით ვადით 3 წლამდე. მოსამართლემ ხაბეიშვილს საქმე საბოტაჟის მუხლით გადაუკვალიფიცირა. ქრთამის შეთავაზებაზე 2 წლითა და 6 თვით პატიმრობა მიესაჯა, საბოტაჟის მუხლზე — 2 წელი. უფრო დიდმა სასჯელმა შთანთქა მეორე სასჯელი და საბოლოოდ 2 წლითა და 6 თვით პატიმრობა მიესაჯა,

ამავე საქმეზე დაკავებულ ერთიანი ნაციონალური მოძრაობის წევრს, მურთაზ ზოდელავას 9-თვიანი პატიმრობა შეეფარდა. მას გამოძიებისთვის ხელის შეშლა ედებოდა ბრალად. ზოდელავას 4 ოქტომბრის საქმეზე დამატებით 7-წლიანი პატიმრობა აქვს მისჯილი.